Yurtimizga yangilanish, yosharish ayomi Navro‘z kirib kelmoqda. O‘zbekiston Milliy olimpiya qo‘mitasi fursatdan foydalanib barcha yurtdoshlarimizni bahor, yoshlik va go‘zallik bayrami bilan muborakbod etadi. Xonadoningizga tinchlik-xotirjamlik, dasturxoningizga fayzu-baraka tilaymiz.
2018 yilda bizni bir qator muhim va nufuzli musobaqalar – Indoneziyada bo‘lib o‘tadigan XVIII Osiyo o‘yinlari va Argentina mezbonlik qiladigan III o‘smirlar Olimpiya o‘yinlari kutib turibdi.
Bugungi kunda sportchilarimiz davlatimizning beqiyos yordami va Siz aziz yurtdoshlarimizning duolaringiz bilan har ikkala musobaqada muvaffaqiyatli ishtirok etib, hur diyorimiz dovrug‘ini dunyoga yoyishga bel bog‘lashgan.
Musobaqalarga tayyorgarlik ishlari allaqachon boshlangan. Shunday ekan, hammamiz bir tanu-bir jon bo‘lib respublikamizda sportning ommaviyligini oshirish, uni yanada rivojlantirish, sog‘lom turmush tarzini targ‘ib etishda faol bo‘laylik. Axir biz BIR JAMOAMIZ!
Navro‘z muborak azizlar!
O‘zbekiston Milliy olimpiya qo‘mitasi jamoasi