“Chelsi” klubi yarim himoyachisi Ngolo Kante “aristokratlar”ning maqsadlari haqida gapirib o‘tdi.

“Chelsi” mening yangi uyimga aylangan. Bu mening jamoam va “Chelsi” futbolchisi ekanligimdan faxrlanaman.

Londonda ikkinchi mavsumni o‘tkazyapman. Bilasiz, birinchi mavsum men uchun va jamoa uchun ham omadli keldi. Angliya chempioni bo‘ldik, bu mavsumni esa kuchli to‘rtlikda yakunlashga majburmiz.

Biz oxirigacha kurashamiz va YECHLda ishtirok etishga harakat qilamiz. Shuningdek, bizdan Angliya kubogida yaxshiroq natija ko‘rsatish talab etiladi.

Chunki Angliya kubogi “Chelsi” g‘alaba qozonishi mumkin bo‘lgan yagona sovrin bo‘lishi mumkin.

Shuning uchun Angliya kubogida g‘alaba qozonish uchun bor kuchimiz bilan harakat qilamiz”, – dedi Kante.