Mashhur bokschi Floyd Meyvezer Angliyaning “Nyukasl” klubini sotib olishi mumkinligi haqida gapirdi.

“Nyukasl” klubini yaxshi ko‘raman, bu shahar odamlari xursand bo‘lish qanday bo‘lishi kerakligini a’lo darajada bilishadi. O‘tgan yil bu klubning bir nechta futbolchilari bilan tanishib qolgandim, ular yaxshi yigitlar ekan.

Biznesimni yuritish uchun doim yangi imkoniyatlarni izlayman. Sportning barcha turlarini kuzatib boraman, lekin sarmoya kiritishni yuragim bilan emas balki, miyam orqali o‘ylayman.

Chunki chin yurakdan sarmoya kiritish bu pulning yo‘qolib ketishiga asosiy sabablardan biri hisoblanadi. Men faqat yaxshi biznes-rejasi borlarga yordam berishim mumkin. Yordamchilarim uni avval o‘rganib chiqishadi va yaxshi pul topish mumkinligini aytishsa, shunda sarmoya kiritaman. Balki, futbolga aralashishim noto‘g‘ri bo‘lar. Ammo futbolchilarning ko‘pchiligi bilan yaqin aloqadaman.

Masalan, Krishtianu Ronaldu bilan ko‘p yillik do‘stmiz va u faoliyatini hatto, “Nyukasl”da ham davom ettirishi mumkin deb o‘ylayman”, – dedi Meyvezer.