Ma’lumki, O‘zbekiston olimpiya terma jamoasi 23 va 26 mart kunlari vodiyda Keniya olimpiya terma jamoasi bilan ikkita o‘rtoqlik o‘yini o‘tkazadi.

Keniyalik futbolchilar bugun 21 mart kuni soat 07:15da Istambul orqali Toshkentga uchib kelishdi. Toshkent Xalqaro aeroportida keniyalik futbolchilarni O‘FA mas’ullari, muxlislar va OAV vakillari kutib olishdi.

Keniya olimpiya terma jamoasi a’zolari  shu kunning o‘zidayoq Andijonga yo‘l olishdi va u yerda andijonlik futbol muxlislari tomonidan o‘yin kulgular bilan kutib olindi.

Eslatib o‘tamiz, 23 mart kuni Andijondagi “Barkamol avlod” stadionida, 26 mart kuni esa Farg‘onadagi “Istiqlol” stadionida O‘zbekiston OTJ — Keniya OTJ o‘rtasida o‘rtoqlik o‘yinlari bo‘lib o‘tadi. Har ikki uchrashuv soat 20:00da boshlanadi.