17 mart kuni Superliga 3-turi doirasidagi “Lokomotiv”ga qarshi kechgan uchrashuvdan keyin, chempionatimizda tanaffus yuzaga kelganligi bois, “Navbahor” jamoasi futbolchilariga qisqa muddatli ta’til berilgandi.

Bugundan “lochinlar” a’zolari mashg‘ulotlarni boshlashdi. O‘zbekiston milliy va olimpiya terma jamoalariga jalb etilishgani bois, mashg‘ulotlarda darvozabon Botirali Ergashev, yarim himoyachilar – Oston O‘runov va Azizbek Turg‘unboyev ishtirok etishmayapti.

Qolgan futbolchilar esa 31 mart kuni o‘tkaziladigan, Superliga 4-turidan o‘rin olgan “Qo‘qon-1912” klubi bilan bo‘ladigan o‘yinga bosh murabbiy Ilhom Mo‘minjonov qo‘l ostida astoydil tayyorgarlik ko‘rishmoqda.