17 март куни Суперлига 3-тури доирасидаги “Локомотив”га қарши кечган учрашувдан кейин, чемпионатимизда танаффус юзага келганлиги боис, “Навбаҳор” жамоаси футболчиларига қисқа муддатли таътил берилганди.
Бугундан “лочинлар” аъзолари машғулотларни бошлашди. Ўзбекистон миллий ва олимпия терма жамоаларига жалб этилишгани боис, машғулотларда дарвозабон Ботирали Эргашев, ярим ҳимоячилар – Остон Ўрунов ва Азизбек Турғунбоев иштирок этишмаяпти.
Қолган футболчилар эса 31 март куни ўтказиладиган, Суперлига 4-туридан ўрин олган “Қўқон-1912” клуби билан бўладиган ўйинга бош мураббий Илҳом Мўминжонов қўл остида астойдил тайёргарлик кўришмоқда.
