O‘zbekiston Olimpiya terma jamoasi Andijondagi "Sog‘lom avlod" stadionida Keniya olimpiya terma jamoasiga qarshi dastlabki o‘rtoqlik o‘yinida maydonga tushdi. Uchrashuvda raqiblarimiz 2:1 hisobida g‘alaba qozonishdi.

22-daqiqada Odxiambo Oniango hisobni ochgan bo‘lsa, 34-daqiqada Mutamba Pistone hisobni 2:0ga yetkazdi. Har ikkala golga ham himoyachilar va darvozabonimizning qo‘pol xatolari sababchi bo‘ldi.

Ikkinchi bo‘limda vakillarimiz hisobni tenglashtirishdi. Zabihullo O‘rinboyev penaltidan zarba yo‘lladi, darvozabon to‘pni qaytardi. Qaytgan to‘pni zaxiradan maydonga tushgan Andrey Sidorov darvozaga aniq yo‘lladi. O‘yin oxiriga qadar 1:2 hisobi o‘zgarmay qoldi.

Endi 26 mart kuni Ravshan Haydarov shogirdlari Farg‘onada Keniyaga qarshi ikkinchi o‘rtoqlik o‘yinini o‘tkazadi.

O‘zbekiston OTJ - Keniya OTJ - 1:2
Gollar: Andrey Sidorov (75) - Odxiambo Oniango (22), Mutamba Pistone (34).
O‘zbekiston: 12. Dilshod Hamroyev, 2. Islom Qobilov, 3. Xojiakbar Alijonov, 5. Abbos Otaxonov, 6. Azizjon G‘aniyev, 20. Doston Tursunov, 13. Aziz Turg‘unboyev, 15. Oybek Rustamov, 17. Doston Hamdamov, 9. Zabihillo O‘rinboyev, 10.Bobir Abdixoliqov.
Keniya: 18.Ojvang Timoti Odxiambo, 14.Mayk Evans Kibvage, 12.Omvenga Timti Balton, 3.Okumu Yozef Stenli, 2.Amai Atariza, 8.Yida Sven, 19.Ibrohim Shambi Ramazoni, 16.Odnenyi Jafari Ovitti, 7.Kasuti Kliff Koroboi, 17.Odxiambo Onyango Krispinus, 9.Mutamba Pistone Vunyoli
Hakamlar: Olim To‘ychiboyev, Shoxruh A’zamov, Ravshan Kapadze