O‘zbekiston futbol Assosiasiyasining taqvim rejasiga asosan Qarshi shahrida 14 yoshli qizlar o‘rtasida futzal bo‘yicha Respublika birinchiligi boshlanganligi haqida xabar bergan edik. Ilk bor tashkil etilgan turnir mezbonlarning muvaffaqiyati bilan yakun topdi.
Musobaqa qonun-qoidasiga ko‘ra, uning birinchi bosqichi tuman va shaharlarda o‘tishi, g‘oliblardan tuzilgan viloyat terma jamoalari Qarshida o‘tadigan final bosqichiga yo‘llanma olishi lozim edi. Qarshiga, O‘FA taqvimida belgilangan musobaqaga yettita jamoa yetib keldi va ikki guruhga bo‘lingan holda musobaqaga kirishdi. Bular;
“A” guruhi – Qoraqalpog‘iston Respublikasi, Andijon, Sirdaryo va Xorazm viloyatlari;
“V” guruhi – Qashqadaryo, Navoiy va Jizzax viloyatlari vakillari.
Shahardagi “Geolog” sport majmuasida o‘tkazilgan bahslarda quyidagi natijalar qayd etildi:
23 mart
Sirdaryo – Qoraqalpog‘iston – 0:2
Qashqadaryo – Jizzax – 8:3
Navoiy – Jizzax – 0:4
Xorazm – Andijon - -:+
(xorazmliklar belgilangan muddatda Qarshiga yetib kelmaganliklari uchun ularga texnik mag‘lubiyat, andijonliklarga esa texnik g‘alaba yozildi)
24 mart
Xorazm – Qoraqalpog‘iston - 0:3
Sirdaryo – Andijon - 0:3
Navoiy – Qashqadaryo - 0:5
Xorazm – Sirdaryo - 1:0
Andijon - Qoraqalpog‘iston - 0:1
25 mart
Xorazm – Navoiy - -:+
Qoraqalpog‘iston – Jizzax - 3:1
Andijon - Qashqadaryo - 0:8
26 mart
3-o‘rin uchun: Jizzax – Andijon - 2:3
1-o‘rin uchun: Qoraqalpog‘iston - Qashqadaryo - 1:11
Shu tariqa qashqadaryoliklar kichik oltin medal bilan taqdirlanishdi. Ikkinchi va uchinchi o‘rinlar Qoraqalpog‘iston hamda Andijon terma jamoalari qizlariga nasib etdi.
G‘olib va sovrindorlar Kubok, medallar va diplomlar bilan taqdirlanishdi.
