Ўзбекистон футбол Ассоциациясининг тақвим режасига асосан Қарши шаҳрида 14 ёшли қизлар ўртасида футзал бўйича Республика биринчилиги бошланганлиги ҳақида хабар берган эдик. Илк бор ташкил этилган турнир мезбонларнинг муваффақияти билан якун топди.

Мусобақа қонун-қоидасига кўра, унинг биринчи босқичи туман ва шаҳарларда ўтиши, ғолиблардан тузилган вилоят терма жамоалари Қаршида ўтадиган финал босқичига йўлланма олиши лозим эди. Қаршига, ЎФА тақвимида белгиланган мусобақага еттита жамоа етиб келди ва икки гуруҳга бўлинган ҳолда мусобақага киришди. Булар;

“А” гуруҳи – Қорақалпоғистон Республикаси, Андижон, Сирдарё ва Хоразм вилоятлари;

“В” гуруҳи – Қашқадарё, Навоий ва Жиззах вилоятлари вакиллари.

Шаҳардаги “Геолог” спорт мажмуасида ўтказилган баҳсларда қуйидаги натижалар қайд этилди:

23 март

Сирдарё – Қорақалпоғистон – 0:2

Қашқадарё – Жиззах – 8:3

Навоий – Жиззах – 0:4

Хоразм – Андижон - -:+

(хоразмликлар белгиланган муддатда Қаршига етиб келмаганликлари учун уларга техник мағлубият, андижонликларга эса техник ғалаба ёзилди)

24 март

Хоразм – Қорақалпоғистон - 0:3

Сирдарё – Андижон - 0:3

Навоий – Қашқадарё - 0:5

Хоразм – Сирдарё - 1:0

Андижон - Қорақалпоғистон - 0:1

25 март

Хоразм – Навоий  - -:+

Қорақалпоғистон – Жиззах - 3:1

Андижон - Қашқадарё - 0:8

26 март

3-ўрин учун: Жиззах – Андижон - 2:3

1-ўрин учун: Қорақалпоғистон - Қашқадарё - 1:11

Шу тариқа қашқадарёликлар кичик олтин медал билан тақдирланишди. Иккинчи ва учинчи ўринлар Қорақалпоғистон ҳамда Андижон терма жамоалари қизларига насиб этди.

Ғолиб ва совриндорлар Кубок, медаллар ва дипломлар билан тақдирланишди.