«Napoli» bosh murabbiyi Maurisio Sarri klub bilan yangi shartnoma borasida muzokaralarni davom ettirmoqda. U bilan bog‘liq vaziyatni esa bir qator klublar kuzatib turishibdi.
Premiumsporthd.it saytining xabar berishicha, Sarri hozircha klub rahbariyati bilan yangi kelishuv borasida bir to‘xtamga kelmagan. Mutaxassis yiliga 4 million yevro miqdorida maosh so‘ramoqda. Ayni paytdagi maoshi esa 1,7 millionga teng. «Napoli» esa 2,5 million yevro taklif qilmoqda.
Shuningdek klub Sarrining shartnomasidagi 8 millionlik tovon pulinini ham olib tashlamoqchi. Vaziyatni Angliyaning «Chelsi» va «Tottenxem» hamda Rossiyaning «Zenit» klublari kuzatib borishmoqda.
