«Наполи» бош мураббийи Маурицио Сарри клуб билан янги шартнома борасида музокараларни давом эттирмоқда. У билан боғлиқ вазиятни эса бир қатор клублар кузатиб туришибди.
Premiumsporthd.it сайтининг хабар беришича, Сарри ҳозирча клуб раҳбарияти билан янги келишув борасида бир тўхтамга келмаган. Мутахассис йилига 4 миллион евро миқдорида маош сўрамоқда. Айни пайтдаги маоши эса 1,7 миллионга тенг. «Наполи» эса 2,5 миллион евро таклиф қилмоқда.
Шунингдек клуб Саррининг шартномасидаги 8 миллионлик товон пулинини ҳам олиб ташламоқчи. Вазиятни Англиянинг «Челси» ва «Тоттенхэм» ҳамда Россиянинг «Зенит» клублари кузатиб боришмоқда.
