"Manchester Yunayted" bosh murabbiyi Joze Mourinyo APLnig 32-turida "Suonsi" ustidan qozonilgan g‘alabadan so‘ng (2:0) jamoasi o‘yiniga baho berdi.

"Ikkinchi bo‘limda ham xuddi birinchi bo‘limdagidek o‘ynaganimizda ajoyib bo‘lar edi. Biz gol urdik, ko‘p imkoniyatlarga ega bo‘ldik, chiroyli o‘ynadik. Birinchi bo‘lim ideal o‘tdi.

Ba’zi o‘yinchilarim hafta o‘rtasida o‘yin o‘tkazishgan edi, ular charchadilar va g‘alaba cho‘ntagimizda deb o‘yladilar. Ikkinchi bo‘limda raqibga biroz o‘yin berdilar.

Ammo hammasi joyida, biz g‘alaba qozondik. Mavsum tugashiga 7 ta o‘yin qolganida har bir ochko qimmatli. Chunki ikkinchi o‘rinda qolishn istaymiz. Bu muhim uch ochko bo‘ldi", - deydi Mourinyo.