Osiyo chempionlar ligasi guruh bosqichining 5-turida "Nasaf" o‘z maydonida Eronning "Persepolis" klubini qabul qildi.

Uchrashuv tengkurashlar ostida kechdi. Xususan, eronliklar yaxshi himoyalanishga muvaffaq bo‘lishdi. Ular "Nasaf" xavfli vaziyat yaratish uchun ko‘p imkoniyat berishmadi. Yuzaga kelgan kam sonli hujumlar paytida darvozabonlar yaxshi harakat qilishdi.

Ushbu durangdan keyin "Persepolis" o‘z ochkolarini 10taga yetkazdi va pley-off yo‘llanmasini hal qildi. Ro‘ziqul Berdiyev jamoasining keyingi bosqich imkoniyati juda ham past. Ayni paytda Qatarning "As-Sadd" klubi o‘z maydonida "Al-Vasl"ni qabul qilmoqda (bahsning 35-daqiqasida "As-Sadd" 1:0 hisobida oldinda bormoqda). Mazkur o‘yindagi durang natija ham Xavi jamoadoshlarini nimchorak finalga olib chiqadi. "Nasaf" esa so‘nggi turda BAAda "Al-Vasl" mehmoni bo‘ladi.

OCHL, "S" GURUHI, 5-TUR. 19:30
"NASAF" - "PERSEPOLIS" - 0:0
02.04.2018. “Markaziy” stadion. 18319 tomoshabin
“Nasaf”: 35.Sanjar Quvvatov, 6.Azizjon G‘aniyev (17.Doniyor Narzullayev, 77), 7.Odiljon Hamrobekov, 10.Bobir Abdixoliqov, 20.Islom Kenjaboyev (69.Dragan Cheran, 62), 22.Igor Golban (s), 27.Islom Rashidxonov, 31.Saydullo Rahmatov, 55.Slavko Lukich, 77.Jasur Hasanov (14.SHarof Muhitdinov, 88), 92.Umarbek Eshmurodov.
Zaxira: 1.Umidjon Ergashev, 4.Maqsud Karimov, 8.Sanjar Rashidov, 21.Jahongir Aliyev.
“Persepolis”: 1.Alirizo Beyranvand, 2.Sodih Muharrami, 4.Said Jalol Husayni (s), 10.Farshod Axmadzoda, 11.Komil Kamilobi Ziyo, 13.Husayn Mohiyni, 15.Muhammad Ansori, 18.Muhsin Robi Xon, 19.Vohid Amiri (69.Ali Muslix Taklimi, 87), 70.Ali Alipur (5.Bashar Buniyan), 88. Siyomak Ne’mati (8.Axmad Nurullohi, 69).  
Zaxira: 44.Bujidor Radoshevich, 25. Abulfazi Darveshvand, 77.Muhsin Musulmon, 90.Godvin Mensha.
Ogohlantirishlar: Azizjon G‘aniyev 76.
Bosh hakam: Ali Abdulnabi (Bahrayn)
Qanot hakamlari: Muhammad Salmon (Bahrayn), Abdulla Alravoiymi (Bahrayn)
Zaxira hakami: Ismoil Habib Ali (Bahrayn)