Andijonlik iqtidorli himoyachi Ildar Mamatkazin bu yil jamoasiga yordam berish maqsadida qaytib keldi. Yangi mavsum boshlanayotgani munosabati bilan futbolchi o‘z fikrlari bilan o‘rtoqlashdi.

- Jamoamizning bu yilgi maqsadi katta. Muxlislarimiz ham yangi futbol mavsumi boshlanayotganini intizorlik bilan kutmoqdalar. O‘z navbatida biz ham chempionat boshlanishini sog‘indik.

- Albatta, yangilangan pro-liga bu yil boshqacha formatda o‘tadi. Bir qator klublar o‘z oldiga jiddiy vazifalarni qo‘yishgan. Ishonamanki, chempionat juda qiziqarli o‘tadi. Intriga ham kuchli bo‘ladi. Bunday muhitda o‘ynash esa har bir futbolchiga yoqadi. Jamoamizda Superligaga qaytish uchun ishtiyoq juda katta.

- Jamoamiz bosh murabbiyi Eldor Sakayev futbolchilarni bir maqsad yo‘lida jipslashtira oldi. Muhit esa a’lo darajada. Har bir o‘yinchi mashg‘ulotlarda bor imkoniyatini ishga solyapti. Yangi mavsumda hech bir o‘yin oson kechmaydi. Lekin jamoamiz yangi mavsumga tayyor.

- Har bir uchrashuvda muxlislarimizning jamoamizni qo‘llab-quvvatlashi biz uchun muhim. Superligaga qaytish uchun klubdagi barcha futbolchi bor kuchini sarflashga tayyor turibdi. «Andijon» Superligada ishtirok etishga munosib jamoa. Ko‘rib turganingizdek, tarkibimizga yaxshi o‘yinchilar yig‘ilgan. Ishqibozlarimizning ishonchini qozonish uchun qo‘limizdan kelganicha harakat qilamiz, deydi - Ildar Mamatkazin.

«Andijon» matbuot xizmati.