Андижонлик иқтидорли ҳимоячи Илдар Маматказин бу йил жамоасига ёрдам бериш мақсадида қайтиб келди. Янги мавсум бошланаётгани муносабати билан футболчи ўз фикрлари билан ўртоқлашди.

- Жамоамизнинг бу йилги мақсади катта. Мухлисларимиз ҳам янги футбол мавсуми бошланаётганини интизорлик билан кутмоқдалар. Ўз навбатида биз ҳам чемпионат бошланишини соғиндик.

- Албатта, янгиланган про-лига бу йил бошқача форматда ўтади. Бир қатор клублар ўз олдига жиддий вазифаларни қўйишган. Ишонаманки, чемпионат жуда қизиқарли ўтади. Интрига ҳам кучли бўлади. Бундай муҳитда ўйнаш эса ҳар бир футболчига ёқади. Жамоамизда Суперлигага қайтиш учун иштиёқ жуда катта.

- Жамоамиз бош мураббийи Элдор Сакаев футболчиларни бир мақсад йўлида жипслаштира олди. Муҳит эса аъло даражада. Ҳар бир ўйинчи машғулотларда бор имкониятини ишга соляпти. Янги мавсумда ҳеч бир ўйин осон кечмайди. Лекин жамоамиз янги мавсумга тайёр.

- Ҳар бир учрашувда мухлисларимизнинг жамоамизни қўллаб-қувватлаши биз учун муҳим. Суперлигага қайтиш учун клубдаги барча футболчи бор кучини сарфлашга тайёр турибди. «Андижон» Суперлигада иштирок этишга муносиб жамоа. Кўриб турганингиздек, таркибимизга яхши ўйинчилар йиғилган. Ишқибозларимизнинг ишончини қозониш учун қўлимиздан келганича ҳаракат қиламиз, дейди - Илдар Маматказин.

«Андижон» матбуот хизмати.