"Lokomotiv" ertaga Osiyo Chempionlar Ligasi guruh bosqichi 6-tur o‘yinlari doirasida Eronning "Zob Ahan" jamoasi qarshiligini yenggishga urinib ko‘radi. 

Bugun mazkur bahs oldidan matbuot anjumani bo‘lib o‘tdi.  Unda Andrey Miklyayev ishtirok etib, fikrlarini bildirib o‘tdi.

- Ertangi o‘yin qiziqarli kechishiga shubxa yo‘q. Har ikki jamoada ham guruhdan chiqish uchun imkoniyat mavjud. Raqib o‘yinini tahlil qilib chiqdik. Ular asosan kuchga tayangan holda o‘ynashadi. Biz ham ertaga o‘z o‘yinimizni namoyish etishga urinamiz. Balki bitta, balkim 2 nafar hujumchi bilan o‘ynarmiz. Bu haqida hozircha ayta olmayman. 

Jamoamizda muhit yaxshi. Barcha bitta maqsadni ko‘zlagan holda mehnat qilmoqda. To‘g‘ri, bu mavsumni u qadar muvaffaqiyatli o‘tkaza olmayapmiz. Agar jamoa uchun hozirgi murabbiylar shtabining iste’fosi foydali degan xulosaga kelsak, iste’fo berishimiz mumkin. Lekin bu haqda o‘ylashga vaqt ketkazmayapmiz. Bor e’tiborimiz faqat o‘yinga qaratilgan. Qolaversa, buni rahbariyat hal etadi. Bizdan esa jamoani uchrashuvga yaxshi tayyorlash va ertaga g‘alaba qozonish talab etiladi, - dedi tajribali mutaxassis.