Ertaga “Lokomotiv” o‘z maydonida Eronning “Zob Ahan” jamoasini qabul qiladi.
Bugun ushbu uchrashuv oldidan har ikkala jamoaning rasmiylari ishtirokida yig‘ilish bo‘lib o‘tdi. Unda o‘yinning tashkiliy masalalari atroflicha muhokama qilindi. Qolaversa, ertangi uchrashuvni jamoalar qanday libosda o‘tkazishlariga ham oydinlik kiritildi.
Unga ko‘ra, “Lokomotiv” ertaga to‘liq qizil rangli formada o‘ynaydi. Jamoamiz darvozaboni esa qora rangdagi libosda maydonga chiqadi. Mehmonlar esa oq rangli formadan foydalanishadi. “Zob Ahan” posboni egnida yashil rangli forma bo‘ladi.
Ta’kidlab o‘tamiz, “Lokomotiv” – “Zob Ahan” uchrashuvi ertaga, 17 aprel kuni bo‘lib o‘tadi. O‘yin soat 19:00da start oladi. Ishqibozlar stadion kassalaridan bepul tarzda chiptalarni olish imkoniyatiga ega.
