Angliya chempionatining 35-turidan o‘rin olgan “Vest Bromvich” – “Liverpul” uchrashuvi yakuniga yetdi. Mazkur uchrashuvda 2:2 hisobidagi durang qayd etildi.
Dastlab, 4-daqiqa Denni Ingz xavfli hujumni golga aylantirdi. Ta’kidlab o‘tish joiz, u so‘nggi marta bundan 930 kun avval gol urgandi.Jamoalar tanaffusga shu hisobda chiqib ketishdi.
Ikkinchi bo‘limning 72-daqiqasida Saloh maydon markazidan boshlagan hujumni, o‘zi golga aylantirdi. Misrlik futbolchi bugun joriy mavsumdagi 31-golini urdi va Shirer, Ronaldu va Suaresning avval o‘rnatgan rekordini takrorladi.
Oradan 8-daqiqa o‘tib, maydon egalari hisobdagi farqni bittaga qisqartirdi, yana birozdan so‘ng “Liverpul” yana o‘z darvozasidan gol o‘tkazib yubordi. Livermordan so‘ng mersisaydliklar darvozasiga ikkinchi to‘pni Salomon Rondon bosh bilan kiritdi va jamoasini muqarrar mag‘lubiyatdan qutqarib qoldi.
Eslatib o‘tamiz, avvalgi turda “Vest Bromvich” “Manchester Yunayted”ni safarda mag‘lub etib, “Manchester Siti”ning muddatidan oldin chempion bo‘lishiga yordamlashib yuborgandi.
APL, 35-tur.
Vest Bromvich – Liverpul 2:2 (0:1, 2:1)
Gollar: 0:1 – 4 Ingz, 0:2 – 72 Saloh, 1:2 – 79 Livermor, 2:2 – 88 Rondon.
Vest Bromvich – Foster, Douson, Gibbs (Berk, 76), Nyom, Xegazi, Fillips, Livermor, Brant, Makkleyn (Evans, 71), Rodriges (Robson-Kanu, 89), Rondon.
Liverpul – Karius, van Deyk, Moreno, Gomes, Klavan, Milner, Xenderson, Saloh (Lovren, 84), Veynaldum, Mane (Oksleyd-CHemberlen, 66), Ingz (Firmino, 66).
Ogohlantirish: Moreno (69).
