"Liverpul"ning hujumkor yarimhimoyachisi Muhammad Saloh professional futbolchilar assosiasiyasi tomonidan (PFA) Angliya premyer-ligasining ushbu mavsumida eng yaxshi o‘yinchi deb topildi.

APLning ushbu mavsumida misrlik futbolchi 33 o‘yinda 31 ta gol urdi va 9 ta golga to‘p oshirdi.

"Bu men uchun katta sharaf. O‘zimni baxtiyor his qilyapman. Bu mavsumda bor kuchimni ishga soldim va bu obro‘li sovrinni qo‘lga kiritganimdan xursandman", - deydi Muhammad Saloh.

Eslatib o‘tamiz, eng yaxshi o‘yinchi nomiga David de Hea ("Manchester Yunayted"), Harri Keyn ("Tottenhem"), Kevin de Bryuyne ("Manchester Siti"), Leroy Sane ("Manchester Siti") va David Silva ("Manchester Siti") kabi futbolchilar davogarlik qilgan edilar.