"Bavariya" himoyachisi Jerom Boateng YECHL yarimfinalida "Real" hujumchisi Krishtianu Ronalduga qarshi o‘yin haqida gapirdi.
"Unga qarshi o‘ynab kurganman, bu yordam berishi mumkin. Raqamlar uning qanday zo‘r o‘yinchi ekanini, uni to‘xtatish qiyinligini ko‘rsatib turibdi.
U atlet. Buni u gol urib, futbolkasini yechganida ko‘rishingiz mumkin. Uning ojiz tomoni yo‘q. U o‘ng, chap oyoqda, boshi bilan gol uradi.
Ammo "Real"da faqat Ronaldu emas, ular jamoaviy kuchli. Ular bir xil tarkib bilan bir necha yildan buyon o‘ynab kelishmoqda, yaxshi himoyalanishadi. Yarimhimoyasi ham yaxshi, ular bilan YECHLda g‘olib chiqishgan.
Biz o‘z kuchimizga ishonamiz. Biz ham "Real"ni mag‘lub etishga yetarli darajada yaxshi jamoamiz.
O‘tgan chorak finaldagi mag‘lubiyat? Bizga omad kulib boqmaganini bilamiz. Ammo hozir bizda ajoyib imkoniyat bor", - deydi Boateng
