"Бавария" ҳимоячиси Жером Боатенг ЕЧЛ яримфиналида "Реал" ҳужумчиси Криштиану Роналдуга қарши ўйин ҳақида гапирди.
"Унга қарши ўйнаб курганман, бу ёрдам бериши мумкин. Рақамлар унинг қандай зўр ўйинчи эканини, уни тўхтатиш қийинлигини кўрсатиб турибди.
У атлет. Буни у гол уриб, футболкасини ечганида кўришингиз мумкин. Унинг ожиз томони йўқ. У ўнг, чап оёқда, боши билан гол уради.
Аммо "Реал"да фақат Роналду эмас, улар жамоавий кучли. Улар бир хил таркиб билан бир неча йилдан буён ўйнаб келишмоқда, яхши ҳимояланишади. Яримҳимояси ҳам яхши, улар билан ЕЧЛда ғолиб чиқишган.
Биз ўз кучимизга ишонамиз. Биз ҳам "Реал"ни мағлуб этишга етарли даражада яхши жамоамиз.
Ўтган чорак финалдаги мағлубият? Бизга омад кулиб боқмаганини биламиз. Аммо ҳозир бизда ажойиб имконият бор", - дейди Боатенг
