“Real” klubi yarim himoyachisi Toni Kroos “Bavariya”ga qarshi bo‘lib o‘tadigan o‘yin haqida fikrlarini bildirib o‘tdi.
“Evropa chempionlar ligasi sovrinini sotib olib bo‘lmaydi. Sotib olib bo‘lganda ham “Real” ikki marta chempion bo‘lmas edi. Bizda yuqori saviyada to‘p sura oladigan futbolchilar ko‘p.

Bir-birimizni yaxshi tushunamiz. Omadimizning siri ham ana shunda. Barcha umidlarimiz shu turnirdan.

Ikki yil oldin biz huddi shunday vaziyatda edik. O‘shanda biz maqsadimizga erisha olgandik. Asosiy maqsadimiz Chempionlar ligasini uchinchi marta qo‘lga kiritish.

“Bavariya”ga kelsak, ular ajoyib jismoniy holatda, boshqa hech qanday xavfli taraf ko‘rmayapman. Ular Bundesligada erta chempion bo‘lishdi.

Menimcha, “Bavariya” o‘tgan mavsumga karaganda, joriy mavsum yaxshi o‘yin namoyish qilyapti. Ikki jamoaning maqsadi bir.

Jamoadoshlarim chempionlar ligasida umuman boshqa insonga aylanishadi. Ahir biz chempionlarmiz. Bizni butun dunyo kuzatadi. Bu o‘yinda g‘alabaga tashna ekanligimizni ko‘rsatish kerak. Ammo, “Bavariya” ham biz kabi g‘alabaga tashna”, - deydi Kroos.