“Реал” клуби ярим ҳимоячиси Тони Кроос “Бавария”га қарши бўлиб ўтадиган ўйин ҳақида фикрларини билдириб ўтди.
“Европа чемпионлар лигаси совринини сотиб олиб бўлмайди. Сотиб олиб бўлганда ҳам “Реал” икки марта чемпион бўлмас эди. Бизда юқори савияда тўп сура оладиган футболчилар кўп.

Бир-биримизни яхши тушунамиз. Омадимизнинг сири ҳам ана шунда. Барча умидларимиз шу турнирдан.

Икки йил олдин биз ҳудди шундай вазиятда эдик. Ўшанда биз мақсадимизга эриша олгандик. Асосий мақсадимиз Чемпионлар лигасини учинчи марта қўлга киритиш.

“Бавария”га келсак, улар ажойиб жисмоний ҳолатда, бошқа ҳеч қандай хавфли тараф кўрмаяпман. Улар Бундеслигада эрта чемпион бўлишди.

Менимча, “Бавария” ўтган мавсумга караганда, жорий мавсум яхши ўйин намойиш қиляпти. Икки жамоанинг мақсади бир.

Жамоадошларим чемпионлар лигасида умуман бошқа инсонга айланишади. Аҳир биз чемпионлармиз. Бизни бутун дунё кузатади. Бу ўйинда ғалабага ташна эканлигимизни кўрсатиш керак. Аммо, “Бавария” ҳам биз каби ғалабага ташна”, - дейди Кроос.