ОАВда "Реал Мадрид" ва Винисиус Жуниор ўртасидаги музокараларнинг янги босқичи ҳақида хабарлар пайдо бўлишда давом этмоқда. Музокаралар чоршанба куни бўлиб ўтди. The Athletic нашрининг сўнгги музокаралардан хабардор манбаларга таяниб хабар беришича, "Реал Мадрид" Винисиусга янги таклиф билан чиқди.
Манба "Реал Мадрид" Винисиусга қанча маош таклиф қилганини аниқ айтмади. Бироқ, таклиф бразилиялик футболчининг клуб ва спорт лойиҳаси учун аҳамиятини акс эттириши таъкидланди.
Энди 26 ёшли Винисиуснинг учта варианти бор: шартномасини узайтириш, 2026/27 йилги мавсумда ўйнаш ва эркин агентга айланиш ёки шу ёзда "Арсенал"га ўтиш.
Аввалроқ ОАВда "Реал Мадрид" Винисиусга ҳар мавсум учун 30 миллион евро тўлашга тайёр эмаслиги ҳақида хабар берилган эди.
