Bugun Superliganing 8-tur doirasidagi «AGMK» – «Nasaf» uchrashuvi bo‘ladi. Uchrashuv OKMK sport majmuasida soat 18:30da boshlanadi.

O‘zbekiston Superligasi-2018, 8-tur

AGMK – «NASAF»

26.04.2018. OKMK SM. 18:30da

Bosh hakam: Timur To‘xtasinov (Andijon)

Qanot hakamlari: Anvarjon Marajabov (Andijon), Ziyodullo Abdurahmonov (Andijon)

Zaxira hakami: Shavkat Nasibullayev (Namangan)

Nazoratchi: Dmitriy Roman (Toshkent)

Uchrashuv komissari: Aleksey Frolov.

Mazkur jamoalari bungacha 20 marta kuch sinashishgan. Shundan 2ta bahsda «konchilar» g‘alabaga erishgan bo‘lsa, «ajdarlar» 12ta uchrashuvda zafar quchishgan. Yana 6ta o‘yinda o‘zaro durang natija qayd etilgan. Bo‘lib o‘tgan uchrashuvlarda jami darvozalarga 51ta to‘p kiritilgan. To‘plar nisbati quyidagicha ko‘rinish olgan – 17:34. Ustunlik «Nasaf» jamoasida.

Olmaliqda bo‘lib o‘tgan o‘zaro 10ta uchrashuvning 2tasida «konchilar» zafar quchishgan. 4ta uchrashuvda durang qayd etilgan. To‘rt uchrashuvda esa «Nasaf» g‘alaba qozongan. Bu uchrashuvlarda darvozalarga jami 19ta to‘p kiritilgan. To‘plar nisbati bo‘yicha 8:11 ustunlik «Nasaf» tomonida.

«AGMK» – «Nasaf» bugun o‘zaro 21-uchrashuvini o‘tkazadi. Bu uchrashuv har qachongidan qiziqarli bo‘ladi.

Bugun “Nasaf” jamoasi  qizil liboslarda , “AGMK” jamoasi esa qora liboslarda maydonga tushadi.