So‘nggi uch mavsumdan buyon “Buxoro” bekobodliklar uchun eng noqulay raqibga aylandi. Uch yildan beri qadimiz va hamisha navqiron – Buxoro shahri vakillari Bekoboddan bir xil – 2:1 hisobidagi g‘alaba bilan qaytishmoqda.
O‘zbekiston XXVII milliy chempionatining 9-turidan o‘rin egallagan uchrashuv ushbu jamoalarning o‘zaro 39-o‘yini bo‘ladi. Ortda qolgan uchrashuvlarning 17 tasida “Metallurg” g‘alaba qozongan bo‘lsa, 16 ta uchrashuvda “Buxoro”ning qo‘li baland kelgan. 5 ta o‘yinda esa durang natija qayd etilgan. To‘plar nisbatidagi farqni buxoroliklar o‘tgan yilgi natijalari evaziga o‘z foydalariga og‘dirib olishdi: 53:54. “Metallurg”ning “Buxoro” ustidan qozongan eng yirik g‘alabasi 3:0 ga teng, Bekobodliklar bir marta o‘z maydonida, bir marta Buxoro shahrida shunday muvaffaqiyatga erishgan. “Buxoro”ning bekobodliklar ustidan erishgan eng yirik g‘alabasi – 4:0.
Mazkur jamoalarning Bekobodda o‘tkazilgan o‘yinlarida “Metallurg” to‘liq ustunlikka ega bo‘lib kelmoqda. Mezbonlar 19 ta uchrashuvning 15 tasida zafar quchishgan, ilk o‘yinda kuchlar teng kelgan, oxirgi 3 mavsumda esa imkoniyatni boy berishgan.
Bekobodda o‘tgan so‘nggi olti uchrashuv:
29.04.2017 «Metallurg» - «Buxoro» 1:2
24.09.2016 «Metallurg» - «Buxoro» 1:2
30.10.2015 «Metallurg» - «Buxoro» 1:2
22.08.2014 «Metallurg» - «Buxoro» 4:3
29.06.2013 «Metallurg» - «Buxoro» 2:1
13.05.2012 «Metallurg» - «Buxoro» 2:0
