Сўнгги уч мавсумдан буён “Бухоро” бекободликлар учун энг ноқулай рақибга айланди. Уч йилдан бери қадимиз ва ҳамиша навқирон – Бухоро шаҳри вакиллари Бекободдан бир хил – 2:1 ҳисобидаги ғалаба билан қайтишмоқда.

Ўзбекистон XXVII миллий чемпионатининг 9-туридан ўрин эгаллаган учрашув ушбу жамоаларнинг ўзаро 39-ўйини бўлади. Ортда қолган учрашувларнинг 17 тасида “Металлург” ғалаба қозонган бўлса, 16 та учрашувда “Бухоро”нинг қўли баланд келган. 5 та ўйинда эса дуранг натижа қайд этилган. Тўплар нисбатидаги фарқни бухороликлар ўтган йилги натижалари эвазига ўз фойдаларига оғдириб олишди: 53:54. “Металлург”нинг “Бухоро” устидан қозонган энг йирик ғалабаси 3:0 га тенг, Бекободликлар бир марта ўз майдонида, бир марта Бухоро шаҳрида шундай муваффақиятга эришган. “Бухоро”нинг бекободликлар устидан эришган энг йирик ғалабаси – 4:0.

Мазкур жамоаларнинг Бекободда ўтказилган ўйинларида “Металлург” тўлиқ устунликка эга бўлиб келмоқда. Мезбонлар 19 та учрашувнинг 15 тасида зафар қучишган, илк ўйинда кучлар тенг келган, охирги 3 мавсумда эса имкониятни бой беришган.

Бекободда ўтган сўнгги олти учрашув:
29.04.2017 «Металлург» - «Бухоро» 1:2
24.09.2016 «Металлург» - «Бухоро» 1:2
30.10.2015 «Металлург» - «Бухоро» 1:2
22.08.2014 «Металлург» - «Бухоро» 4:3
29.06.2013 «Металлург» - «Бухоро» 2:1
13.05.2012 «Металлург» - «Бухоро» 2:0