Bugun bir necha o‘zbekistonlik sportchilar shu yilning oktyabr oyida Buenos-Ayresda bo‘lib o‘tadigan III yozgi o‘smirlar Olimpiya o‘yinlariga yo‘llanma qo‘lga kiritishdi.

Indoneziyaning Jakarta shahrida sport gimnastikasi bo‘yicha Osiyo chempionatida ishtirok etayotgan hamyurtlarimiz musobaqa yakuniga ko‘ra ikkita lisenziya (o‘g‘il bolalar va qizlar) sohibiga aylandilar.

Shuningdek, Tailand poytaxti Bangkok shahri mezbonlik qilgan Osiyo chempionatida oltin medalni qo‘lga kiritgan bokschimiz Abdumalik Xalakov ham Argentinadagi nufuzli musobaqa yo‘llanmasiga ega buldi.

Shu tariqa, sportchilarimizning III yozgi o‘smirlar Olimpiya o‘yinlariga yo‘llanmalari soni 16taga yetdi:

Og‘ir atletika – 3 ta
Baydarka va kanoeda eshkak eshish – 3 ta
Akademik eshkak eshish – 3 ta
Ot sporti (konkur) – 1 ta
Taekvondo – 1 ta
Sport akrobatikasi – 2 ta
Sport gimnastikasi – 2 ta
Boks – 1 ta