Futzal bo‘yicha O‘zbekiston ayollar terma jamoasi shu yilning 2-12 may kunlari Taylandda o‘tadigan Osiyo chempionatiga Toshkentda tayyorgarlik ko‘rayotgani haqida xabar berib o‘tgandik.
Futzalchi qizlarimiz “Chig‘atoy” sport bazasi joylashgan holda “Bunyodkor” stadionining zalida mashg‘ulotlar olib borishdi.
Bugun “Chig‘atoy” sport bazasida futzal bo‘yicha O‘zbekiston ayollar terma jamoasini Osiyo chempionatiga kuzatish marosimi bo‘lib o‘tdi.
Marosimda O‘FA va PFL rahbariyati ishtirok etdi. Tadbirda so‘zga chiqqanlar futzalchi qizlarimizga bo‘lajak musobaqada omad yor bo‘lishini tilashdi. O‘z o‘rnida futzal bo‘yicha O‘zbekiston ayollar terma jamoasi bosh murabbiyi Avaz Maxsumov O‘zbekiston futbol assosiasiyasi tomonidan terma jamoa uchun yaratib berilgan shart-sharoitlar uchun minnatdorchilik izhor qildi. Terma jamoa sardori Mavluda Munavvarova esa bo‘lajak musobaqada yaxshi ishtirok etggan holda, yurtimizsha’nini Osiyo chempionatida munosib himoya qilishga va’da berdi.
Futzal bo‘yicha ayollar o‘rtasidagi Osiyo chempionatida O‘zbekiston ayollar terma jamoasi bilan birgalikda Tailand, Eron, Yaponiya, Malayziya, Xitoy, Gonk Kong, Vyetnam, Bahrayn, Xitoy Taypeyi, Livan, Makao, Turkmaniston, Bangladesh hamda Indoneziya terma jamoalari ishtirok etishadi.
O‘zbekiston terma jamoasi amaldagi chempion Eron va musobaqa debyutanti Turkmaniston jamoalari bilan bir guruhdan o‘rin olgan. Jamoamiz dastlabki o‘yinini 5 may kuni Turkmaniston jamoasiga qarshi, ikkinchi o‘yinni esa 7 may kuni Eronga qarshi o‘tkazadi.
05.05.2018 O‘zbekiston – Turkmaniston
07.05.2018 Eron - O‘zbekiston
Futzal bo‘yicha O‘zbekiston ayollar terma jamoasi a’zolari bugun tunda Taylanddga yo‘l olishadi.
