“Barselona” klub a’zosi, ayni damda “Uotford”da ijara asosida o‘ynayotgan Jerar Deulofeuni Ispaniya chempionlari ro‘yxatiga qo‘shmadi.
Klub Ispaniya chempionligi qo‘lga kiritilgani munosabati bilan “Barselona” futbolchilarining ism-shariflari ro‘yxatini ma’lum qildi. Unda Jerar Deulofeuning ism-sharifi yo‘q edi.
“Ispaniya chempionatidagi g‘alabada mening ham hissam bor, nahotki ism-familiyam yo‘q”, deb yozdi futbolchi tvitterdagi sahifasida. Ma’lumot uchun, Deulofeu joriy mavsumda “Barselona” safida 14 ta o‘yinda maydonga tushib, 2 ta gol urgan va 3 ta golli uzatmani amalga oshirgan. Yanvarda esa "Uotford"ga ijaraga berilgandi.
Shuningdek, “Barselona” ro‘yxatga klubni qishda tark etgan Arda Turan hamda Xavyer Maskeranoni ham kiritmagan.
