“Manchester Siti” a’zosi Yaya Ture yozda jamoadan ketadi. Bu haqda “shaharliklar” ustozi Xosep Gvardiola alohida ta’kidlab o‘tdi.

“Ture mavsum yakunlangach klubni tark etadi. Biz ”Brayton”ga qarshi o‘yinda uning uchun g‘alaba qozonishga harakat qilamiz. Yaya klubga ancha foyda keltirdi. Biz undan minnatdormiz”, dedi Gvardiola.

Ma’lumot uchun, Ture “Manchester Siti”ga 2010 yilda kelib qo‘shilgan bo‘lsa, shu paytga qadar 315 ta o‘yinda maydonga tushib, 79 ta gol urdi va 50 ta golli uzatmani amalga oshirdi.