«Neftchi» xamda «Lokomotiv» (1:4) jamoalari o‘rtasidagi bahsdan so‘ng o‘tkazilgan matbuot anjumanida mezbonlar katta murabbiyi Abdumalik Hakimov va Abdul Aziz Yusupovlar ishtirok etishdi.
- O‘yinni hamma ko‘rdi. Menimcha, ortiqcha izoh kerak emas. Avazbek O‘lmasaliyev, Shukur Po‘latov, Abdurahmon Abdulhaqov, Husniddin G‘ofurov singari yetakchi o‘yinchilarning yo‘qligi o‘z ta’sirini o‘tkazdi. Maydonga tushganlari ham jarohati bilan o‘ynamoqda. Hozir qiyin vaziyatdamiz. Buni hamma tushunib turibdi. Bizga oson emas. Hujum chizig‘ida katta muammolarimiz bor. Saviyaga ham ko‘p narsa bog‘liq. Baribir olg‘a intilishda davom etamiz.
Abdul Aziz Yusupov: Murabbiylar jamoani o‘yinga yaxshi tayyorlashgandi. Birinchi bo‘limni yaxshi boshladik. Jamoa yomon o‘yin ko‘rsatmayotgandi. Lekin birinchi gol yigitlarning kayfiyatiga va o‘yiniga o‘z ta’sirini o‘tkazdi.
“Neftchi” matbuot xizmati
