Rossiya Premyer-ligasining ushbu mavsumi yakunlanishiga 1ta  tur qolganida chempion jamoa nomi aniq bo‘ldi. Moskvaning "Lokomotiv" klubi o‘z maydonida "Zenit"ni qabul qildi.

Bahs tugashiga 3 daqiqa qolganida "temiryo‘lchilar" g‘alaba to‘pini kiritishga muvaffaq bo‘lishdi. Zaxiradan maydonga tushgan Eder qanotdan yetkazib berilgan uzatmani darvozaga joylab qo‘ydi.

Ushbu g‘alabadan keyin "Lokomotiv" o‘z ochkolarini 60taga yetkazdi va chempionlikni rasmiylashtirdi. "Temiryo‘lchilar" o‘z tarixida uchinchi marta (2002, 2004, 2018) chempionlikka erishishdi. Ular barcha sovrinlarni Yuriy Syomin qo‘lostida qo‘lga kiritishgan.

O‘zbekistonlik himoyachi Vitaliy Denisov o‘z faoliyatida ilk marta Rossiya chempionligini qo‘lga kiritdi. Ushbu sovrin bilan vatandoshimizni tabriklaymiz.

Rossiya premyer-ligasi, 29-tur
Lokomotiv – Zenit 1:0 (0:0, 1:0)
Gol: 1:0 – 87 Eder.
Lokomotiv – Gilyerme, Ribus, Chorluka (Peychinovich, 46), Kverkveliya, Farfan, Miranchuk (Eder, 79), Fernandesh, Ignatyev, Tarasov, Denisov, Miranchuk (Barinov, 90).
Zenit – Lodigin, Krishito, Mevlya, Smolnikov (Poloz, 81), Kuzyayev, Jirkov (Pletnev, 69), Paredes, Kranevitter, Yeroxin, Zabolotniy, Driussi.
Ogohlantirishlar: Driussi (24), Ignatyev (25), Kuzyayev (55), Kranevitter (62), Paredes (67), Mevlya (76), Gilyerme (90).