Superliganing 10-turida "Qizilqum" - "Metallurg" uchrashuvidan so‘ng (1:2) matbuot anjumani o‘tkazildi. Unda "Metallurg" jamoasi bosh murabbiyi Andrey Shipilov ishtirok etdi.
"O‘yin og‘ir bo‘lishini kutgandik. Qizilqum so‘nggi turlardagi g‘alabadan keyin ruhiy ko‘tarinkilikda edi. Mazkur o‘yin qiymati olti ochkoga teng edi. Shu boisdan jiddiy tayyorgarlik ko‘rdik. Ayniqsa legioner uchlikni yopish birinchi galdagi vazifamiz edi, buni qisman uddaladik. Elguja baribir gol urib mahoratli ekanligini isbotladi.
To‘g‘risi Navoiyga ijobiy natija uchun kelgandik. G‘alaba bizni ikki hissa quvontirdi. Menimcha qayd etilgan hisob haqqoniy, o‘yinga mos bo‘ldi. Biz qarshi hujumda ko‘proq vaziyatlar yaratdik. 2:0 dan keyin masalani uzil kesil hal etishimiz ham mumkin edi. Uchrashuv oxiriga kelib tashabbusni mezbonlarga berib qo‘ydik va buning uchun jazolanishtmizga sal qoldi. Bizni qo‘llab quvvatlab turgan va ishongan barcha muxlislarimizga minnatdorlik bildiraman, - deydi Andrey Shipilov.
