Niderlandiyalik sobiq mashhur futbolchi Rafael van der Vaart Madridning «Real» klubi qanot hujumchisi Vinisius Juniorni tanqid ostiga oldi. Ekspertning fikricha, braziliyalik futbolchi tez-tez simulyasiya ishlatadi.

«Bu juda achinarli, chunki u juda yaxshi o‘yinchi. Aslida bu haqda gapirishni xohlamaysan, lekin bu dahshatli darajada g‘azabni keltiradi. U kichik bir turtkidan keyin yiqiladi, keyin esa o‘rnidan turib, qizil kartochka talab qiladi», – dedi ekspert «Ziggo Sport» efirida.

Joriy mavsumda Vinisius barcha turnirlarda 45 ta o‘yinda maydonga tushib, o‘z hisobiga 17 ta gol va 13 ta golli uzatmani yozdirib qo‘ydi.