Нидерландиялик собиқ машҳур футболчи Рафаэль ван дер Ваарт Мадриднинг «Реал» клуби қанот ҳужумчиси Винисиус Жуниорни танқид остига олди. Экспертнинг фикрича, бразилиялик футболчи тез-тез симуляция ишлатади.

«Бу жуда ачинарли, чунки у жуда яхши ўйинчи. Аслида бу ҳақда гапиришни хоҳламайсан, лекин бу даҳшатли даражада ғазабни келтиради. У кичик бир турткидан кейин йиқилади, кейин эса ўрнидан туриб, қизил карточка талаб қилади», – деди эксперт «Ziggo Sport» эфирида.

Жорий мавсумда Винисиус барча турнирларда 45 та ўйинда майдонга тушиб, ўз ҳисобига 17 та гол ва 13 та голли узатмани ёздириб қўйди.