Pepsi Superligasining 10 turini safarda “Neftchi” klubiga qarshi o‘tkazib yirik g‘alaba bilan qaytgan “temiryo‘lchilar”ga bir kunlik dam berildi. Jamoa raxbariyati murabbiylar shtabi va futbolchilarni dam olish kunini maroqli o‘tkazish uchun “Anhor-Lokomotiv” parkiga taklif etdi.
Lokomotiv” homiylaridan biri “Anhor-Lokomotiv” parki va “Axelon” karting klubi avto maydonchasiga yig‘ilgan murabbiylar va futbolchilar uchun o‘zaro 4 guruhga bo‘lingan holda o‘zaro musobaqa tashkil etildi.
4 guruhda 10 nafar futbolchi va murabbiylar shtabi kuch sinashishdi va xar bir guruhdan 2 nafar eng yaxshi natija ko‘rsatgan ishtirokchi finalda ishtirok etdi.
Final etapida Sadriddin Abdullayev, Diyor Turapov, Igor Yelich, Marat Bikmayev, Husniddin G‘ofurov, Shuxrat Muhammadiyev va Sardor Rashidovlar o‘zaro bellashdilar.
Yakunda esa Marat Bikmayev hammadan tezroq finish chizig‘ini kesib o‘tgan bo‘lsa ikkinchi o‘rin Igor Yelich va uchinchi o‘rin Diyor Turapovga nasib etdi.
Musobaqa yakunida g‘oliblarga diplom, medallar va xar bir futbolchiga “Axelon” karting klubiga taklifnoma taqdim etildi.
Futbolchilar ham o‘z navbatida “Lokomotiv” futbol klubi va “Axelon” karting klubi raxbariyatiga o‘z minnatdorchiliklarini bildirdilar.
