Superliganing 10-turidan o‘rin olgan AGMK - “So‘g‘diyona” uchrashuvidan so‘ng  jamoa bosh murabbiyi  Sergey Lushan va uchrashuvda eng yaxshi futbolchi deb topilgan Ruslan Melziddinovlar  matbuot anjumanida ishtirok etdi.

"Juda og‘ir o‘yin. Kuchga tayangan holda o‘yin namoyish etadigan jamoaga qarshi o‘ynadik. Tarkibida bunchalik ko‘p bo‘ydor futbolchilarni faqat Angliyada ko‘rgandim. Shunga qaramay bugun ochko qo‘lga kiritdik.

Natijadan qoniqdim. Jamoamda u qadar ko‘p mahoratli futbolchilar yo‘q. Ayni paytda taxminan 12 nafar futbolchi bor. Qolganlar yoshlar jamoasidan olinmoqda.

Yigitlarga rahmat, ular bosimni yengib o‘tishdi. O‘yindan o‘yinga yurishda davom etamiz. Hozircha maqsadimiz imkon qadar yuqoriga ko‘tarilish.

Kecha yoshlar jamoamiz safida bir futbolchi juda jiddiy jarohat oldi. Bugun futbolchilar ana shu yigitcha uchun ham o‘ynashdi.

Bir qator futbolchilar jamoamizni tark etdi. Mening futbolga qarashlarimga mos kelmagani uchun 3 futbolchi bilan do‘stona xayrlashdik. Ularni erkin agent sifatida qo‘yib yubordik. Bunday yoshda zaxirada o‘tirgandan ko‘ra boshqa jamoada o‘ynagan yaxshiroq", - deydi Sergey Lushan.

Kuni kecha jamoadoshimiz Shoxrux Xolmatov yoshlar ligasi bahsida jiddiy jarohat oldi. Hozir u shifoxonada. Jamoadoshlarmiz bilan kecha kelishgan holda bugun Shoxrux uchun o‘ynadik. Agarda g‘alaba qozonganimizda ham g‘alabani Shoxruxga bag‘ishlagan bo‘lar edik. Shoxruxga jamoamiz nomidan sog‘lik tilaymiz va tezroq safimizga qaytishini xoxlaymiz. Bugun bizni jizzaxlik ko‘plab muxlislar qo‘llab-quvvatladi. Ularga minnatdorchilik bildiramiz-deydi Ruslan Melziddinov

“So‘g‘diyona” PFK matbuot xizmati