“Barselona” klubi hujumchisi Luis Suares “Real”ga qarshi o‘yindan so‘ng, ikkinchi golda “Real” himoyachisi Rafael Varanning oyog‘iga tepganini tan oldi. Suares Messining goliga pas bergan edi.

“O‘sha vaziyatda kichik fol bo‘lishi mumkin edi, chunki Varan to‘pni olganida men uning oyog‘iga tepdim. Klasiko doim shunday yuqori ruhda o‘tgan. Ikki jamoa ham g‘alaba istadi, ammo durang natija qayd etildi.

Albatta, ko‘proq biz g‘alabagaa haqli edik, lekin Serxi Robertoning chetlatilishi bunga to‘sqinlik. “Barselona” yomon o‘ynamadi, durang – yomon natija emas, aslida”, – dedi Suares.