“Manchester Yunayted” bosh murabbiyi Joze Mourinyo “Vest Xem”ga qarshi uchrashuvdagi durangdan so‘ng jamoasining joriy mavsumda turnir jadvalidagi o‘rni haqida gapirdi.

“Biz 6 ta kuchli jamoa chempionlik uchun kurashgan premyer-ligani 2-o‘rinda yakunladik. Mavsumdan to‘liq qoniqdim deb ayta olmayman. Bu mening tabiatimga to‘g‘ri keladigan natija bo‘lmadi. Ha, chempion bo‘la olmasligimizni tushunganimizdan keyin, o‘z oldimizga 2-o‘rinni olish vazifasini qo‘ygan edik va bugun shu ishni uddaladik.

Bugungi o‘yin uchun futbolchilarni tanqid qilmoqchi emasman. “Brayton” bilan kechgan bahs tanaffusida yigitlarga o‘sha kuni mag‘lub bo‘lishimizni oldindan aytgan edim. Bugun esa g‘alaba qozonish haqida gapirdim. Taktik rejalarda xatoga yo‘l qo‘yganimni tan olaman, ammo 80-daqiqadan keyin 2-o‘rinni olish uchun 1 ochko yetishini sezib, ko‘proq himoya haqida o‘ylashimizni futbolchilarga yetkazdim. Endi keyingi o‘yinda g‘alaba qozonib, ochkolarni 81 taga yetkazishimiz kerak. Maykl Kerrik “Old Trafford”dagi so‘nggi o‘yinda jamoa sardori bo‘ladi, De Xeaga esa dam beraman. Uning o‘rnini Romero to‘ldiradi”, – dedi Mourinyo.