27 yoshli Antuan Grizmann dunyoning eng xavfli hujumchilaridan sanalsada, uning sovrinlari juda kam.

Fransiyalik futbolchi buni chorshanba kuni Yevropa ligasi finalida "Marssel"ga qarshi o‘yinda to‘g‘irlashi mumkin.

"Ispaniya Superkubogidan so‘ng birinchi jiddiy sovrinni qo‘lga kiritishim mumkin. Menda Yevropa ligasi g‘olibi bo‘lish imkoniyati bor buni juda istamoqdaman. Jamoadaoshlarimga yordam berish uchun hamma narsaga tayyorman. Klub uchun bu shunchaki navbatdagi sovrin.

O‘yinni sabrsizlik bilan kutyapman. Lion shahrida o‘ynash fantastika. U yergacha men tug‘ilgan Makonadan 45 daqiqalik yo‘l. O‘yinda ko‘plab qarindoshlarim bo‘ladi. Bu stadiondan yaxshi xotiralarim qolgan (Grizmann Yevro-2016da Irlandiya darvozasiga dubl qilgan). Yana chempionlar ligasida qaychi usulida gol urganman ("Real Sosyedad" safida, 2013 yil). Shuning uchun bu yerda ishlarim yaxshi yurishgan deya olaman. Umid qilamanki, buni davom ettiraman", - deydi Grizmann.