27 ёшли Антуан Гризманн дунёнинг энг хавфли ҳужумчиларидан саналсада, унинг совринлари жуда кам.

Франциялик футболчи буни чоршанба куни Европа лигаси финалида "Марссель"га қарши ўйинда тўғирлаши мумкин.

"Испания Суперкубогидан сўнг биринчи жиддий совринни қўлга киритишим мумкин. Менда Европа лигаси ғолиби бўлиш имконияти бор буни жуда истамоқдаман. Жамоадаошларимга ёрдам бериш учун ҳамма нарсага тайёрман. Клуб учун бу шунчаки навбатдаги соврин.

Ўйинни сабрсизлик билан кутяпман. Лион шаҳрида ўйнаш фантастика. У ергача мен туғилган Маконадан 45 дақиқалик йўл. Ўйинда кўплаб қариндошларим бўлади. Бу стадиондан яхши хотираларим қолган (Гризманн Евро-2016да Ирландия дарвозасига дубль қилган). Яна чемпионлар лигасида қайчи усулида гол урганман ("Реал Сосьедад" сафида, 2013 йил). Шунинг учун бу ерда ишларим яхши юришган дея оламан. Умид қиламанки, буни давом эттираман", - дейди Гризманн.