Argentinalik yulduz chorshanba kungi «Mamelodi Sandouns»ga qarshi o‘rtoqlik uchrashuvida ishtirok etish uchun «Levante»ga qarshi uchrashuvni o‘tkazib yubordi. Jamoadoshlari esa turnir yakunlanishiga 2 tur qolganida baribir «qoqilishdi». Goal nashri kechagi uchrashuv haqida mulohaza yuritdi.

«Barselona»ning barcha maqsadlari puchga chiqdi. La Ligadagi so‘nggi 6 uchrashuvning beshtasida g‘alaba qozongan «Levante»ga qarshi Ernesto Valverde rotasiya qilishni ma’qul topdi. Shuningdek, u jamoa yetakchisi Lionel Messini hatto o‘yin qaydnomasiga ham kiritmadi.

Bir necha hafta oldin «Sanches Pisxuan»da «Sevilya»dan 2-0 hisobida mag‘lub bo‘layotganida Lionel Messi zaxiradan maydonga tushib, muvozanatni tenglashtirib bergan edi. Eng muhimi «engilmas jamoa» maqomini saqlab bergan edi.

«Real Madrid» va «Selta»ga qarshi duranglardan keyin ko‘pchilik kataloniyaliklar qiyin raqibdan qutulishdi va La Ligani tarixiy rekord bilan yakunlaydi, deb o‘ylashgan edi.

Hafta o‘rtasida «Vilyarreal» ustidan 5-1 hisobidan g‘alaba qozonganidan keyin ikki o‘yin qolgan edi. Yakshanba kungi «Levante»ga va kelasi shanba kuni «Real Sosyedad»ga qarshi bellashuv.

O‘yindan oldingi matbuot anjumanida Valverde «Syutat de Valensiya» stadionida ehtimoliy o‘zgarishlar yuz berishini qo‘shib qo‘ygan edi : «Mavsum tugashi bilan milliy terma jamoasiga yordamga oshiqadigan futbolchilar borligini ko‘rib turibman» - deydi Valverde.

O‘yin qaydnomasi e’lon qilingach, Messining qatnashmasligi ma’lum bo‘ldi. Argentinalik hujumchi mavsum tugashi bilan Mundialga tayyorgarlik ko‘rish uchun milliy termasiga jo‘naydigan futbolchilardan biri. Ammo bungacha hali erta.

Sababi chorshanba kuni kataloniyaliklar Janubiy Afrikaning «Mamelodi Sandouns»iga qarshi o‘ynaydi. Shartnomaga ko‘ra, besh karra «Oltin to‘p» sohibi ushbu uchrashuvda qatnashishi majburiy.

Valverde shanba kuni bu uchrashuvdagi rejalari bilan o‘rtoqlashgandi. «Biz huddi mashg‘ulotlardagidek o‘ynaymiz. Ikki jamoa o‘ynashadi, biz qo‘limizdan kelgan narsalarni qilishga urinib ko‘ramiz» - degan edi kataloniyaliklar bosh murabbiyi.

Nima bo‘lganda ham Messisiz o‘ynash qaroridan ...

Davomi Futbol olami blogida