“Bavariya” posboni Manuel Noyer ushbu mavsumda atigi 4 marotaba maydonga tushdi. Shu sababdan Noyerning Rossiyada bo‘lib o‘tadigan jahon chempionatiga borish imkoniyatlari qanday bo‘lishi mumkinligi haqida yangi maqola yozishga jazm etdim.
 
Orziqib kutilgan jahon chempionati boshlanishiga ham sanoqli kunlar qoldi. Katta futbol bayrami boshlanishi arafasida 32 terma jamoa o‘zlarining yakuniy tarkiblarini saralab ma’lum qilishni boshladi.
 
Germaniyada esa bunday ish boshqacha olib borildi. O‘tgan haftada murabbiy Yoaxim Lyov Rossiyaga boradigan kengaytirilgan tarkibni e’lon qildi. Ushbu ro‘yxatdan 241 kundan beri maydonga tushmagan Manuel Noyer ham o‘rin egallagan edi.
 
32 yoshli posbon so‘nggi vaqtlarda dunyoning eng yaxshi darvozabonlaridan biri deya ko‘rilayotgan edi. FIFPro talqini bo‘yicha so‘nggi besh yilning to‘rttasida ramziy terma jamoaga kiritildi. Noyerning jahon saviyasidagi posbon ekanligiga qaramay, Lyov uni Rossiyaga olib borish yo‘lida katta tavakkalga qo‘l urdi. Shubhasiz, Noyer qog‘ozda turnirning eng yaxshi darvozaboni. Ammo maydonda barchasi barbod bo‘lishi mumkin.
 
Germaniya bilan chempionlikni himoya qilishga kirishmoqchi terma jamoa ro‘yxatiga jarohatlangan futbolchining kiritilishi bu endi alohida masala. Chunki Noyer kengaytiriligan ro‘yxatda Mark-Andre Ter Shtegen, Kevin Trapp va Bernd Leno kabi hamkasblari bilan birga joy olgan. Lyov esa Noyerga musobaqa oldidan o‘zini isbotlashi uchun barcha imkoniyatni taqdim qilmoqda.
 
2017/2018 yilgi mavsumda Noyer 360 daqiqa o‘ynadi, lekin mavsumning katta qismini jarohatini davolatish bilan o‘tkazdi. Sog‘ayib safga qaytganida ham “Bavariya” bosh murabbiyi Yupp Xaynkes uni asrashga harakat qildi. “Bavariya” va Germaniya sobiq posboni Oliver Kann Xaynkesning ushbu qarori Noyer Mundialga tayyor emasligining bir belgisi degan fikrda.
 
“U hamon o‘ynamayaptimi, demak to‘liq tayyor emas. Aks holda unga Yupp Xaynkes o‘ynash imkoniyati bergan bo‘lar edi. Bu mas’ul shaxslarning og‘ir qarori. Manuel barchasiga o‘zi javob berishi kerak”, deydi Kan.”
 
Boshqalar esa, DAVOMI