Mamlakatimizning yetakchi klublaridan biri, O‘zbekistonning amaldagi chempioni va Kubogi sohibi – Toshkentning “Lokomotiv” jamoasi “Metallurg”ning eng noqulay raqiblardan biri sanaladi.
Mazkur jamoalar O‘zbekiston chempionati oliy ligasi doirasida bugunga qadar o‘zaro 27 bor maydonga chiqishgan bo‘lishsa, mazkur uchrashuvlardan faqatgina 3 tasida “Metallurg”ning qo‘li baland kelgan.
Cakkizta uchrashuvda tomonlar bitimga imzo chekishgan. 16 ta o‘yinda esa omad temiryo‘lchilar tomonida bo‘lgan. Kiritilgan va o‘tkazib yuborilgan to‘plar farqi – 22:52, toshkentliklar foydasiga.
Bu yilgi mavsumning birinchi davrasida Toshkentda kechgan o‘yinda hisobni temiryo‘chilar ochishgan bo‘lsa, ikkinchi taymda maydonga zahiradan tushirilgan Pavel Purishkin to‘pga birinchi tegishi barobarida hisobni tenglashtirishga muvaffaq bo‘lgandi. “Metallurg” jiddiy raqib maydonidan ochko bilan qaytishga muvaffaq bo‘lgandi – 1:1.
Quyida mazkur jamoalarning Bekobodda o‘tkazilgan so‘nggi oltita uchrashuvi natijalari bilan tanishing:
18.08.2017 “Metallurg” – “Lokomotiv” – 1:2
25.06.2016 “Metallurg” – “Lokomotiv” – 3:3
12.03.2015 “Metallurg” – “Lokomotiv” – 0:0
29.03.2014 “Metallurg” – “Lokomotiv” – 0:4
05.05.2012 “Metallurg” – “Lokomotiv” – 0:1
05.08.2010 “Metallurg” – “Lokomotiv” – 1:0
"Metallurg" PFK Matbuot xizmati.
