«Real»ning braziliyalik himoyachisi Marselo UYEFAning rasmiy kanaliga intervyu berdi. Unda futbolchi «Qirollik klubi»dagi faoliyati va Kiyevda o‘tadigan Chempionlar Ligasi finali haqida o‘z fikrlarini bildirib o‘tdi.
- «Real»da ko‘p yildan buyon o‘ynaysiz. Bu klub siz uchun qanday ahamiyat kasb etadi?
- Jamoaga kelishimdan oldin ham «Real»ning buyuk klub ekanligini bilardim. Bu yerdagi faoliyatim davomida ko‘p narsalarni o‘rgandim. «Real» tarixining bir bo‘lagi ekanligimdan faxrlanaman. Faxrdan ko‘ra ham mas’uliyat muhimroq.
- Chempionlar Ligasida uch marta zafar quchgansiz. O‘sha sovrinlar haqida qanday xotiralar qolgan?
- Har bir sovrin o‘ziga xos tarzda yodga olinadi. Lekin o‘yinlar paytida ularni eslamaslikka harakat qilaman. Sovrin qanchalik katta bo‘lmasin, u tarixda qoladi. Biz finallarda o‘ynadik, ularda g‘alaba qozondik. Ammo barchasi o‘tib ketdi. Biz faqat bugunni o‘ylashimiz kerak.
- Kiyevdagi final oldidan hissiyotlar qanday? Bo‘lajak o‘yinni qanday tasavvur qilyapsiz?
- Finalda har narsa bo‘lishi mumkin. Ayni paytda mashg‘ulotlar intensiv tarzda olib borilmoqda. Hech nimani o‘zgartirmaymiz va odatdagidek o‘ynaymiz. Eng muhimi - maydonda borini berish.
O‘yin yakunlanganidan so‘ng siz bor kuchingiz bilan o‘ynaganingizni, murabbiy aytganlarini bajarganingizni his qilishingiz kerak. Finalda yaxshi o‘yin ko‘rsatib, uchrashuvda g‘olib chiqishni maqsad qilganmiz.
- «Liverpul» kuchli raqib. «Qizillar» YECHLning joriy mavsumida juda ko‘p gol urishdi. Ularning eng yaxshi futbolchisi Saloh hisoblanadi. U bilan to‘qnash kelishga qanday tayyorgarlik ko‘ryapsiz?
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
