"Sherlar" O‘zbekiston Kubogi nimchorak finalida Pro-liga ishtirokchisi "Iftixor" bilan to‘qnash keladi.

Farg‘onada o‘tkazilishi belgilangan uchrashuv "Iftixor" jamoasi murojaati sababli Toshkentda, "Paxtakor" stadionida bo‘lib o‘tadi. Bugungi o‘yin soat 19:01da boshlanadi. Ushbu jamoalar ilk bor to‘qnash kelishadi.

"Paxtakor" O‘zbekiston Kubogida eng ko‘p g‘olib bo‘lgan jamoa hisoblanadi. Jamoamiz 11 bor ushbu musobaqada zafar quchishga muvaffaq bo‘lgan. "Iftixor" esa katta maqsadlar sari tashkil etilgan yangi klub sanaladi. Bugungi bellashuvda ushbu jamoa bilan yaqindan tanishib olish uchun ko‘pchilikda imkoniyat bo‘ladi.