“Bunyodkor” – “So‘g‘diyona” uchrashuvidan keyingi matbuot anjumanining ikkinchi qismida “qaldirg‘ochlar” vakillari ishtirok etdi.
- Muhim g‘alabani qo‘lga kiritdik va keyingi bosqichga yo‘llanma oldik. Hozirgi paytda oson o‘yinlarning o‘zi yo‘q. Ramazon oyi bo‘lishiga qaramasdan, stadionga tashrif buyurgan ko‘p ming sonli muxlislarga minnatdorchilik bildiraman. Agar bugun muxlislarga ozgina bo‘lsa-da, xursandchilik ulashgan bo‘lsak, bundan baxtiyormiz. Hademay transfer oynasi ochiladi. Tarkibda qanday o‘zgarishlar bo‘lishi haqida hozir aniq fikr bildira olmayman. Agarda jamoamizdagi futbolchilarga taklif tushsa va bu jamoa kelajagi uchun xizmat qilsa, u holda takliflarni qo‘rib chiqishga tayyormiz. Bu jihat futbolning bir qismi, - deydi Mirjalol Qo‘shoqovich.
- Uchrashuv og‘ir o‘tdi. Murabbiylar tomonidan berilgan ko‘rsatmalarni bajarishga harakat qildik va buning evaziga g‘alaba qozondik. Keyingi uchrashuvlarda ham g‘alabaga intilamiz, - deydi “Bunyodkor” safida uchrashuvning eng yaxshi futbolchisi deb topilgan Mirjamol Qosimov.
