Portugaliya terma jamoasi hujumchisi Krishtianu Ronaldu terma jamoasining JCH-2018 uchun kuchini chamaladi.
"Biz musobaqa favoriti emasligimizni bilamiz. Biz realist bo‘lishimiz kerak, ammo futbolda ilojsiz narsaning o‘zi yo‘q. Portugaliya o‘yindan o‘yinga harakat qilishi kerak. Bizni oddiy bo‘lmagan guruh bosqichi kutib turibdi.
Ammo terma jamoamiz bu tarkib bilan o‘z oldiga katta maqsadlarni qo‘yishi kerak va ishonamanki, biz bor kuchimizni ishga solamiz. Ammo aniq ayta olamanki, jamoa Yevro-2016 musobaqasidagi kabi oxirigacha kurashadi. Ko‘ramiz, bundan nima chiqar ekan", - deydi Ronaldu.
Portugaliya JCH-2018 guruh bosqichida Ispaniya, Eron va Marokash bilan kurash olib boradi.
