Bugun Pepsi Superliganing 15-turiga start berildi. Unda mezbon jamoa – “Navbahor” “Qo‘qon-1912” darvozasiga javobsiz uchta gol urib muhim g‘alabaga erishdi.
O‘yin haqida keladigan bo‘lsak, vodiy derbilari har doim shiddatli va keskin kurashlar ostida o‘tib kelgan. Bu galgi “derbi” ham oldingilaridan aslo qolishmadi.
Har ikki jamoa ham ilk daqiqalardan oldinga tashlandi. 4-daqiqada himoyachi va darvozabonning xatosidan keyin Ilhom Boydadayev hisobni ochdi. 19-daqiqada endi Azamat Allaniyozov o‘z imkoniyatdan foydanalib, hisobni 2:0ga yetkazdi. Ikkinchi goldan keyin mehmonlar murabbiyi yetakchi Javohir Sidiqovni maydonga tushirishga qaror qildi.
Natijada o‘yin biroz jonlandi. 32-daqiqada Sulaymonovning bosh bilan darvozaga yo‘llagan zarbasiga aniqlik yetishmadi. 36-daqiqada yana o‘sha Sulaymonov qulay imkoniyatdan foydalana olmadi. Uning zarbasidan keyin to‘pni darvozabon ushlab oldi. Tanaffusga jamoalar shu hisobda chiqib ketishdi.
Ikkinchi bo‘limni namanganliklar shiddatli tarzda boshladi. Bo‘limning dastlabki o‘n daqiqasida O‘tkir Yusupov bir necha marta “Qo‘qon-1912”ni muqarrar gollardan saqlab qoldi. 75-daqiqada himoyachi va darvozabonning qo‘pol xatosi evaziga Ro‘zimboy Ahmedovning goli bilan yakunlandi.
Qolgan daqiqalarda futbolchilarimiz raqib oldida hech narsa qila olishmadi. Natijada vodiy derbisida yirik hisobda mag‘lubiyatga uchrashdi.
Repsi Superliga. 15-tur.
“Navbahor” – “Qo‘qon-1912” 3:0.
Gollar: Ilhom Boydadayev (4), Azamat Allaniyozov (19), Ro‘zimboy Ahmedov (75).
“Navbahor”: 1. Botirali Ergashev, 6. Oston O‘runov, 8. Ayubxon No‘’monov, 14. Ilhom Boydadayev (11. Zoxir Pirimov-73), 15. Azamat Allaniyozov (12. Nenad Inas-80), 17. Sardor Sulaymonov (22. Ro‘zimboy Ahmedov-63), 19. Mirzoid G‘ofurov, 21. A’zam Aliyev, 24. Davron Hoshimov, 32. Jahongir Mehmonov, 44. Darko Stanoyevich.
“Qo‘qon-1912”: 1. O‘tkir Yusupov, 4. Bahodir Akramov, 5. G‘iyos Komilov (15. Oybek Rustamov-61), 7. Jamshid Hasanov, 14. Avaz Mamatxo‘jayev (10. Javohir Sidiqov-24), 17. Quvondiq Ro‘ziyev (9. Nosir Otaqo‘ziyev-46), 18. Bahodir Pardayev, 19. Suhrob Berdiyev, 22. Murod Xolmuhammedov, 55. Darko Gojkovich, 65. Marko Milich.
